Siglir tar il cuntegn

Header

cuntegn

Exteriur «La Catalugna metta en privel la stabilitad da la Spagna»

En ses pled en la televisiun, ha il retg spagnol Felipe appellà a l’unitad dal pajais. El ha crititgà ferm la regenza regiunala da la Catalugna.

La Spagna fetschia tras in temp fitg difficil, uschia Felipe. A la regenza regiunala ha el renfatschà d’agir senza responsabladad. Ella mettia en privel la stabilitad da la Catalugna – quella economica e sociala. Pertge en la Catalugna dettia era blers burgais – che na vulan betg sa separar da la Spagna.

Agir entaifer e betg ordaifer la lescha

La Spagna saja ina democrazia nua che mintgin possia exprimer sias ideas entaifer la lescha. La regenza regiunala sa movia però ordaifer la lescha – uschia Felipe. El, sco retg, haja in duair envers la Constituziun ed envers l’unitad da la naziun.

Quai è stà l’emprima giada che Felipe è s’exprimì dapi la votaziun davart l’independenza da la Catalugna.

RR novitads 23:00

Artitgels legids il pli savens