Siglir tar il cuntegn
Inhalt

Exteriur La Brasilia sto spargnar

La regenza da la Brasilia ha scursanì il budget per l’onn proxim per 6,4 milliardas francs.

Persunas spetgan en ina stanza a Sao Paulo.
Legenda: Persunas senza lavur a Sao Paulo che speran da chattar ina plazza. Keystone

En vista a la ferma crisa economica vul la regenza tranter auter spustar augments da paja en il sectur public dal schaner sin l’avust. Ed intgins projects duain perfin vegnir suspendids.

Las annunzias valan era sco reacziun sin l’intenziun da l’agentura da raiting americana Standard & Poor’s da sbassar la bonitad da la Brasilia sin il stgalim speculativ. Avant aveva la regenza da la presidenta brasiliana Dilma Rousseff anc quintà per il 2016 cun in deficit da 7,6 milliardas francs.

RR Novitads 09:00