La Bosnia-Erzegovina vul daventar commembra da l’UE

La Bosnia-Erzegovina ha inoltrà uffizialmain la dumonda per l'adesiun a l'Uniun Europeica. Enfin il 2017 spera il pajais da survegnir il status da candidat.

In passaport da la Bosnia-Erzegovina.

Legenda da maletgs: La Bosnia-Erzegovina vul che las stailas europeicas chattian en futur plaz sin ils passaports. Keystone

Quai ha il president da stadi da la Bosnia-Erzegovina Dragan Covic ditg a Brüssel. L’UE beneventa da principi quest pass. Uss saja quai dentant anc in lung viadi enfin che la Bosnia-Erzegovina po vegnir recepida sco commembra, ha ditg il cumissari da l’UE Johannes Hahn. Il pajais patescha anc adina da las consequenzas da la guerra civila tranter ils anteriurs stadis da la Jugoslavia ils onns 90. Il stadi è flaivel e las differentas etnias en la Bosnia-Erzegovina n’èn betg unidas davart las refurmas necessarias per daventar commembra da l’UE.

RR novitads 14:00