Siglir tar il cuntegn

Header

cuntegn

Exteriur L'USA admonescha la Corea dal nord

Ils Stadis Unids han admonì la Corea dal Nord da testar - sco annunzià - ina raketa intercontinentala. Las resoluziuns dal Cussegl da segirezza da l’ONU scumondian la Corea dal Nord cleramain da far quai, ha communitgà il ministeri da la defensiun american.

Il ministeri da defensiun dals Stadis Unids ha ussa supplitgà la Corea dal Nord d'evitar da provocar. Avant aveva il dictatur nord-corean Kim Jong Un ditg,en ses pled da Bumaun che ses pajais vegnia prest a testar ina raketa intercontinentala.

Kim Jong Un ha era fatg in avis sin ils tests da rachetas da l'onn passà. La Corea dal nord saja s'avanzada ad ina pussanza nucleara. Ella saja ussa ina pussanza militara da l'ost che na sappja gnanc vegnir attatgada dals pli ferms adversaris.

La Corea dal nord aveva fatg l'onn passà dus tests cun armas nuclearas ed ha fatg intgins tests cun rachetas. La Corea dal sid è da l'avis che la Corea dal nord vul uschia vegnir vinavant cun rachetas intercontinentalas. Quellas pudessan lura era cuntanscher ils Stadis Unids cun armas nuclearas.

Experts èn dentant dividids en lur opiniun quant da strusch che la Corea saja da realisar questa finamira. Sur tut perquai ch'el n'hajan enfin uss anc betg gì success cun lur tests.

RR novitads 07:00

Artitgels legids il pli savens