L’Ungaria desista da registrar fugitivs

L’Ungaria ha cumenzà da trametter ils fugitivs che vegnan da la Serbia direct en direcziun dal cunfin austriac, senza registrar els.

Fugitivs arrivan ils 14 da settember da l’Ungaria en l’Austria.

Legenda da maletgs: Fugitivs arrivan ils 14 da settember da l’Ungaria en l’Austria. Keystone

Trens spezials transportian ils fugitivs direct d’in cunfin a l’auter, uschia ha infurmà il Autcumissariat da las Naziuns Unidas per ils fugitivs UNHCR. Lur collavuraturs hajan observà la dumengia, sco la polizia ungaraisa haja tramess 3 trens cun almain 2’000 fugitivs senza controlla en direcziun da l’Austria.

La regenza ungaraisa n’ha betg commentà las reproschas. Tenor las agenturas da novitads Reuters ed AFP sa chattan dentant strusch pli fugitivs en in center, nua ch’avant paucs dis sa chattavan anc millis da persunas.

RR Novitads 15:00