Siglir tar il cuntegn

Header

Navigaziun

Purtret da Federica Mogherini davant in placat da la conferenza.
Legenda: Federica Mogherini la mesemna, il segund di da la conferenza internaziunala per l'Afganistan a Brüssel. Keystone
cuntegn

Exteriur L'UE sustign Afganistan cun 1,2 milliardas euros ad onn

Fin il 2020 vul l'Uniun europeica sustegnair l'Afganistancun 1,2 milliardas euros ad onn. La responsabla per ils affars da l'exteriur da l'UE, Federica Mogherini ha ditg quai il segund di da l'inscunter internaziunal per l'agid a l'Afganistan.

Mogherini ha accentuà ch’ils daners da l’UE na stettian betg en connex cun las cunvegnas fatgas la dumengia tranter l’UE e l’Afghanistan per accelerar la repatriaziun da fugitivs da l’Afghanistan che na survegnan nagin asil en l’UE. Ella ha declerà ch'i saja d'aventatg per la situaziun da fugitivs en l'Europa da megliurar la situaziun en l'Afghanistan.

A l'inscunter da dus dis a Brüssel fan represchentants da 70 pajais e 20 organisaziuns part. Là vai per il sustign finanzial dal pajais. A la conferenza duai dar consentimetn da circa 12 milliardas euros. La Germania ha gia concedì 1,7 milliardas, dentant fan els dependent quai d'in tschert progress tar refurmas.

RR novitads 12:00