Siglir tar il cuntegn

Header

cuntegn

Exteriur L'UE lubescha da prolungar controllas als cunfins

La Germania ed ulteriurs quatter stadis europeics dastgan prolungar las controllas als cunfins per ulteriurs trais mais, quai ha l’Uniun europeica communitgà.

Controllas als cunfins èn sulet pussaivlas en situaziuns excepziunalas. Pervi da la crisa da fugitivs aveva la Germania, il Danemarc, la Svezia e la Norvegia introducì controllas als cunfins da lur pajais. Quests pajais dastgan uss cuntinuar cun questas controllas.

La Germania ha cumenzà il settember 2015 cun las controllas al cunfin german-austriac. Dapi lura han els gia prolungà pliras giadas questas. La regenza numna sco motiv ch'ils cunfins a l'ur dal territori da Schengen na vegnian anc adina betg controllads sco giavischà. I vegnia refusà las persunas che n'hajan nagin pass e che na veglian betg star en Germania.

Ils privels per nossa segirezza interna ch'èn stads avant maun cura che nus avain cumenzà las controllas, èn anc adina qua.
Autur: Anders Ygeman Minister per l'intern da la Svezia

Uschia argumentescha il minister per l'intern da la Svezia il motiv per prolungar las controllas. La Svezia pratitgava ina politica d'immigraziun fitg liberala. L'onn passà ha ella lura er serrà ils cunfins e cumenzà cun controllas. Ella ha er realisà leschas d'asil pli severas.

RR novitads 15:00

Artitgels legids il pli savens