L’Uniun europeica e la Gronda Britannia èn vegnidas d'accord davart ina perioda da transiziun che cuzza davent da la sortida dal Brexit il mars 2019 enfin il 2020. Quai ha il negoziader da l'Uniun europeica Michel Barnier ditg davant las medias a Brüssel.
En questa perioda da transiziun duai la Gronda Britannia vinavant resguardar las reglas da l'Uniun europeica. Er las contribuziuns finanzialas a Brüssel duain durant questa perioda anc betg scrudar. Persuenter ha la gronda Britannia durant quel temp access al martgà da l'UE e resta part da l'uniun da dazis. Durant quella perioda duain ins lura er negoziar davart las relaziuns a lunga vista.
Part d'ina cunvegna extendida
Definitivamain va la perioda da transiziun pir en vigur cun ina cunvegna da sortida pli extendida. Tar la gronda part dals puncts da la cunvegna sajan ins gia d'accord. I dettia però anc puncts da negoziaziun. Enfin l'october 2018 duai la cunvegna esser sut tetg.
RR novitads 15:00