Siglir tar il cuntegn
Inhalt

Exteriur L’ONU approva la cunvegna cun l’Iran

Las Naziuns Unidas èn d'accord d'abolir las sancziuns cunter l'Iran.

Il cussegl da segirtad da l’ONU.
Legenda: Il cussegl da segirtad da l’ONU prendan ina decisiun impurtanta en connex cun la cunvegna d’atom cun l’Iran. Keystone

Suenter la cunvegna en la dispita d'atom cun l’Iran, ha il cussegl da segirtad da l'ONU votà a New York unanimamain persuenter d'abolir las sancziuns. Quai è l’emprim pass suenter il cumpromiss da Vienna ch’ils stadis cun dretg da veto tar l’ONU e la Germania han chattà cun l’Iran.

Propi abolidas vegnan las sancziuns pir, cura che l’Iran ha ademplì sias obligaziuns formuladas en la cunvegna d'atom. Las sancziuns cumpiglian contos bloccads, scumonds da viagiar e sancziuns economicas. Betg inclus en la cunvegna è l’embargo d’armas.

RR Novitads 16:00