Siglir tar il cuntegn
cuntegn

Exteriur L'IS maldovra uffants sco cumbattants enturn Mossul

La milissa da terror maldovra uffants sco cumbattants en il cumbat enturn la citad da Mossul en l’Irac dal nord, quai rapportan las naziuns unidas. En plirs vitgs da la regiun ha la milissa da terror sfurzà da surdar tut ils buobs sur nov onns a la milissa da terror.

Purtret d'uffants cun en resti militaric e cun armas sin dies.
Legenda: Perfin ufants duain uss cumenzar a cumbater en la guerra en l'Irak. Reuters

Plinavant hajan ils extremists mazzà plirs tschients persunas, tranter auter 50 deserturs, 180 persunas che lavuravan tar la regenza, di ina pledadra da l'ONU. Rodund 1750 persunas sajan vegnidas transportadas a Mossul per duvrar els sco scuts.

A Tal Afar hajan ils extremists bunamain 400 dunnas curdas, schiitas e jesidas en lur mauns. Era tar attatgas en l'aria haja dà unfrendas civilas. Mossul è l'ultima citad gronda els mauns da l'IS.

Tenor indicaziuns da l'IS sajan rodund 22'000 persunas stadas sfurzadas da bandunar Mossul dapi l'entschatta da l'offensiva cunter ils extremists. L'armada iracaisa s'avanza pli e pli da strusch da la citad cun agid da milissas schiitas e curdas. Dapi intgins dis cumbattan els era en la citad sezza.

RR novitads 18:00