Siglir tar il cuntegn

Header

Navigaziun

Il fim che vegn or d'ina fabrica en l'India.
Legenda: L'india suttascriva la cunvegna da clima da Paris. Uschia ch'i guarda ora bain per la cunvegna. Reuters
cuntegn

Exteriur L'India suttascriva la cunvegna da Paris

Ils 2 d’october vegnia la cunvegna da clima da Paris ratifitgada. Quai ha ditg il primminister da l’India Narendra Modi. Suenter la China ed ils Stadis Unids è l'India il terz grond producent da gas cun effect da serra che suttascriva la cunvegna.

La cunvegna da Paris va en vigur, sche duas cundiziuns èn ademplidas: Per l’ina ston almain 55 stadis suttascriver ella. Per l’autra ston quels stadis ensemen esser responsabels per almain 55% da l’emissiun mundiala da gas cun effect da serra. L’emprima cundiziun è gia ademplida e la segunda è grazia a la suttascripziun da l’India er sin buna via.

L'India saja ditg stada il motiv principal che franava las stentas da las Naziuns Unidas pertutgant il clima. Il pajais promova vinavant sia industrialisaziun e bajegia vinavant ovras atomaras ed ovras d'energia da charvun novas. Medemamain è l'India dentant daventada fitg impurtanta per l'industria da forza da vent.

RR novitads 06:00