La chasa dals represchentants abolescha Obamacare
La chasa dals represchentants a Washington ha decidì d'abolir la refurma da sanadad dal anteriur president Barack Obama - era enconuschent sut il num «Obamacare». Ils deputads e las deputadas han vuschà cun ina maioritad piz a cup da 217 encunter 213 vuschs per dismetter la refumra da sanadad. Tut ils Democrats èn stads per mantegnair Obamacare.
Empermischun da Trump
Il president american Donald Trump aveva empremiss en il cumbat electoral da dismetter Obamacare e da remplazzar il sistem da sanadad cun in nov model. Dapi 7 onns protestan ils Republicans gia encunter Obamacare. Il zercladur vegn il senat a decider en chaussa. La è la maioritad dals Republicans pli stretga.
RR novitads 22:00