Siglir tar il cuntegn

Header

cuntegn

Exteriur L'elecziun dal president en l’Austria vegn spustada uffizialmain

Dapi il venderdi passà ha in gremi da crisa contractà, uss ha il minister dal intern da l’Austria Wolfgang Sobotka communitgà da spustar las elecziuns per il president. La decisiun era evidenta – millis da brevs d’elecziun na pudevan betg vegnir serradas correct. L’Austria vul anc quest onn eleger.

audio
Saira: Austria sto spustar l'elecziun dal president – reacziuns da Rumantschas e Rumantschs en l'Austria
ord Actualitad dals 12.09.2016.
laschar ir. Durada: 2 minutas 42 Secundas.

L'Austria sto spustar la repetiziun da l'elecziun dal president dal pajais quai pervi che las brevs d’elecziun na pon betg vegnir serradas correct. Uschia avess la Dretgira constituziunala strusch laschà valair il resultat da l'elecziun.

Ina elecziun regular na saja uschia betg pussaivla ha ditg il minister da l'intern Wolfgang Sobotka a Vienna. «La finamira saja anc da manar tras las elecziun il 2016», uschia Sobotka. Las autoritads han uss prendì en mira ils 4 da december. Il parlament austriac sto uss anc approvar la spustada.

Gia pannas tar l’emprima elecziun

Las emprimas elecziun il matg da quest onn eran vegnidas gudagnadas dal candidat sustegni dals verds Alexander van der Bellen. El aveva giu in minim avantatg sin il candidat da la partida dretg populistica FPÖ Norbert Hofer. La partida da Hofer aveva alura atgisà cun success il proceder d’elecziun.

Las dretgiras n’han betg constatà in fraud d’elecziun, ma che brevs sajan vegnidas avertas memia baud ed era magasinadas correct. Era persunas betg autorisadas eran vegnidas incumbensadas cun dumbrar las vuschs.

RR novitads 12:00

Artitgels legids il pli savens