Siglir tar il cuntegn

Header

cuntegn

Exteriur L'aua manca

A chaschun dal Di mundial da l'aua ha publitgà Unicef ina prognosa dramatica davart l'access ad aua schubra en l'avegnir.

L’Ovra d’agid per uffants da las Naziuns Unidas prognostitgescha ch’in da quatter uffants na vegnia betg avair access ad aua schubra l’onn 2040. Gia ozendi saja il consum d’aua en 36 pajais pli grond che la quantitad che stettia a disposiziun. Quai scriva Unicef en ses rapport a chaschun dal Di mundial da l’aua. Fin 660 milliuns umans n’hajan betg access ad avunda aua.

Sco raschuns per quest svilup numna l’ovra d’agid en emprima lingia la creschientscha demografica, l’industrialisaziun e l’urbanisaziun. Ultra da quai blocheschian er conflicts armads l’access ad aua schubra, scriva Unicef.

RR novitads 06:00

Artitgels legids il pli savens