Salah Abdeslam, l'attentader probabel da Paris ch'è vegnì arrestà en Belgia, duaja vegnir surdà tant pli spert a la Frantscha. Quai saja sulettamain ina formalitad, ha ditg il minister da giustia beltg.
Legenda:
L'attentader arrestà en Belgia na vul betg vegnir extradì en Frantscha.
Keystone
Però sa dosta Abdeslam cunter sia extradiziun en la Frantscha. Quai annunzia l'agentura da novitads beltga.
Il Franzos da 26 onns era vegnì arrestà il venderdi en il quartier Molenbeek a Brüssel. Tar l'acziun da truppas spezialisadas è quel vegnì blessà levamain.
Tut en tut èn vegnidas arrestadas 5 persunas. Tranter quellas para er ina famiglia ch'ha dà sut tetg a l'attentader.
Salah Abdeslam fiss il prim suspectà da terror al qual vegniss fatg il process pervi da l'attentat a Paris.
RR novitads 10:00
