Siglir tar il cuntegn

Header

cuntegn

Exteriur L'arrest per vita duranta è ì a fin per Salvatore Riina

L'um ch'è stà plirs onns il numer in da la Mafia siciliana, Salvatore Riina è mort pervi da cancer. Quai rapportan medias talianas.

En la veglidetgna dad 87 onns è Salvatore Riina mort en la praschun d'auta segirtad a Parma, quai rapportà l'agentura da novitads Ansa.

La gievgia aveva il minister da giustia lubì als confamigliars da prender cumià dal malsaun. Riina era il figl d'ina famiglia da pur povra ed vegniva pervia da sia grondezza da 1,58cm era numnà «Totò u curtu». Quai che vul dir Toto il curt.

24 onns fugia, 13 sentenzias per vita duranta

Il 1993 era Totò vegnì tschif suenter da 24 onns fugia. La sentenzia: 13 giadas arrest per vita duranta. Riina, che purtava era il num «bestia» ha laschà mazzar, rapinar ed era involvì en affars da drogas. Cumenzà aveva el sia carriera criminala gia cun 19 onns ed era pli tard il schef da la famiglia da mafia «Corleonesi».

Ni cumpassiun ni ricla

Il schef da mafia haja mai mussà cumpassiun cun sias victimas innocentas, uschia il directur da la cumissiun d'anti-mafia taliana Rosy Bindi. El saja stà in mafioso sco da Hollywood. El haja tiers arrest isolà en il tract d'auta segirtad betg dà or da maun il scepter ed exprimì smanatschas.

Els vegnan mai a rumper mai. Era schi dattan 3'000 onns a mai.
Autur: Salvatore Riina

RR novitads 14:00

Artitgels legids il pli savens