Siglir tar il cuntegn
Inhalt

Exteriur L'Africa dal Sid ha prendì cumià da Winnie Mandela

Cun in funeral statal ha il pajais prendì cumià da la figura simbolica per il cumbat cunter l'apartheid.

Funeral statal per Winnie Mandela.
Legenda: Funeral statal per Winnie Mandela. Keystone

L’Africa dal Sid ha la sonda prendì cumià da Winnie Madikizela-Mandela. En in stadion a Soweto, en la periferia da Johannesburg, èn millis da persunas sa reunidas per onurar la cumbattanta da l’apartheid. Il president da l’Afrida dal Sid, Cyril Ramaphosa, ha onurà Winnie Mandela. La defuncta haja blamà la manzegna da l’apartheid, ha el ditg.

Winnie Mandela è morta l’entschatta d’avrigl cun 81 onns. L’ex dunna da l’emprim president da pel stgira da l’Africa dal Sid, Nelson Mandela, vala sco simbol dal cumbat cunter l’apartheid.

RR novitads 17:00