Siglir tar il cuntegn
Inhalt

Exteriur L'affar cun fugitivs sirians en la Tirchia

Tranter l'Uniun europeica e la Tirchia datti ina cunvegna da fugitivs: La Tirchia na lascha betg viagiar enavant ils fugitivs e l’Uniun Europeica dat sco cuntrapart raps a la Tirchia.

Legende: Audio Bunura: L'affar cun fugitivs sirians en la Tirchia abspielen. Laufzeit 02:55 Minuten.
02:55 min, Actualitad dals 25.04.2018.

I saja ina cunvegna ch'il president da la Tirchia Recep Tayyip Erdogan tira a niz per metter tras sia agenda politica, uschia Reto Rufer dad Amnesty International Svizra. Pertge Erdogan veglia evitar ch'ils curds survegnian in stadi autonom. Uschia intervegn Erdogan en il conflict da la Siria. L’Europa e l’America crititgeschan bain las intervenziuns da la Tirchia, per blers dentant memia pauc ferm. Il motiv per la critica moderada saja la cunvegna da fugitivs che vala tranter la Tirchia e l'Europa. Erdogan dovria la cunvegna da fugitivs sco pressiun.

Erdogan tegna ils fugitivs sco meds da pressiun envers l’Europa per meter tras sia agenda politica. Pertge l'Europa vul tegnair davent ils fugitivs.
Autur: Reto RuferAmnesty International Svizra
Reto Rufer.
Legenda: Reto Rufer «Ins sto dentant renconuscher che la Tirchia ha prendì si millis da fugitivs. Auters pajais europeics èn en quest connex bler pli serrads.» Amnesty International

Schleta situaziun, ma grond dumber

Ils fugitivs en Tirchia, dentant era en auter pajais, vegnian explotads sin il martgà da lavur ed insumma na hajan els betg segirezza per l’avegnir di Rufer.

Che la situaziun per ils fugitivs na saja betg buna di era Anja Klug da l'uniun per ils fugitivs (l’UNHCR). Dentant di ella, ch'ins na sa possia betg emblidar, che la Tirchia saja in dals pajais ch'ha prendì si ils pli blers fugitivs dal mund, betg mo da la Siria, era da l’Afganistan ed era fugitivs da l’Irak.

Nus sustegnain ils pajais vischins per l'agid umanitara, dentant i mancan ils mezs e cun quai l'essenzial per ils fugitivs.
Legenda: Anja Klug «Nus sustegnain ils pajais vischins che porschan agid umanitar. A tscherts pajais mancan dentant ils meds e cun quai l'essenzial per ils fugitivs.» MAD UNHCR / Marie Robinet
Nus na pudainsa betg emblidar, che la Tirchia è in dals pajais, ch'ha prendì si ils pli blers fugitivs.
Autur: Anja KlugUNHCR

RR actualitad 08:00