Siglir tar il cuntegn
cuntegn

Exteriur L'actur englais John Hurt è mort

El saja mort cun 77 onns suenter avair patì d'in cancer. Quai ha ses management confermà.

John Hurt è mort en la vegliadetgna da 77 onns.
Legenda: John Hurt è mort en la vegliadetgna da 77 onns. Keystone

Sia pli enconuschenta rolla ha Hurt giugà il 1980 en il film «Der Elefantenmensch». En ils films da Harry Potter ha Hurt giugà Mister Ollivander.

John Hurt è naschì ils 22 da schaner 1940 a Chesterfield en Engalterra. Il bab era reverenda, la mama - pli sco hobi - actura. Cumenzà ha John Hurt cun in studi d'art. L'onn 1960 ha el lura dentant visità la scola d'acturs a la «Royal Academy of Dramatic Art». Sper bler teater l'entschatta ha el silsuenter adina dapli cumenzà da surpigliar pitschnas rollas da televisun.

RR actualitad 06:00