Siglir tar il cuntegn
Inhalt

Exteriur Kuwait accusa 29 persunas da l'attatga sin ina moschea

Suenter l'attatga desastrusa sin ina moschea schiita en il Kuwait la fin dal zercladur ha l'emirat apparentamain accusà 29 participads al delict.

Massa da persunas che porta in mort.
Legenda: In attentader da suicidi aveva mazzà la fin zercladur 26 persunas e blessà 227 ulteriuras. Keystone

Tranter ils suspectads sa chattian Kuwaitis, Saudis, Pakistanis e 13 persunas senza naziunalitad ch'appartegnan a l'etnia dals Biduns. Dad ina persuna stoppian ins anc sclerir la naziunalitad, scriva l'agentura da novitads Kuna.

La autoritads kuwaitaisas avevan gia identifitgà in burgais da l’Arabia Saudita sco delinquent probabel. Il di da l’attentat sin la moschea aveva quai plinavant dà in’attatga terroristica sin in hotel a Sousse en la Tunesia.

RR novitads 17:00