Siglir tar il cuntegn

Header

cuntegn

Exteriur Kos: Ferms terratrembels posteriurs

Sonda saira ha la terra stremblì entaifer curt temp duas giadas cun ina fermezza da 4,6 e 4,7 sin la scala da Richter. Quai ha communitgà l'institut seismologic grec.

Ils terratrembels posteriurs hai dà enturn la saira las 20:00 uras. Ord tema d'ulteriuras stremblidas han blers sinaquai passentà la notg en il liber. Blers hajan durmì en l'auto, a la riva u en parcs. Ils seismologs quintan che la fasa da terratrembels posteriurs po anc durar pliras emnas.

Il venderdi ha in terratrembel da la fermezza 6,7 chaschunà grevs donns sin l'insla. Ina chasa è sballunada, dus turists èn morts ed i ha dà passa 120 blessads.

RR novitads 09:00

Artitgels legids il pli savens