La situaziun sin l'insla greca Kos escalescha era suenter ch'igl è vegnì mess a disposiziun ina navetta per transportar ils fugitivs en in nov center da recepziun.
Questa sonda haja quai dà cravals tranter persunas da l’Afghanistan, dal Pakistan e da l'Iran, rapportan medias localas.
Ils fugitivs sajan sa pitgads ed hajan bittà crappa avant in post da polizia cura ch'els spetgavan per sa laschar registrar. Policists hajan guardà tiers senza intervegnir perquai ch'il post era serrà pervi dad in firà.
