Siglir tar il cuntegn

Header

cuntegn

Exteriur KOF: Occupaziun en Svizra stagnescha

Bleras interpresas en Svizra na ristgan betg da crear novas plazzas – e quai na vegn n’er betg a sa midar en ils proxims mais. Quai demussan las enquistas da conjunctura actualas dal KOF.

Dapi in onn e mez na datti strusch pli progress cun l'occupaziun en Svizra. Da l'indicatur d'occupaziun dal KOF, l'institut da perscrutaziun da la conjunctura da l'ETH da Turitg, resulta, che quai na vegn betg a sa midar durant ils proxims mais.

En il prim quartal da quest onn demussa l’indicatur dal KOF ina valur da -2,1 puncts. Quai scriva il KOF en ina communicaziun a las medias. La valur negativa munta ch'il dumber da las interpresas che prevesan da stritgar plazzas è pli aut che quel da las interpresas che vulan crear plazzas. La valur vegn calculada tenor retschertgas tar 4’500 interpresas en Svizra. Mintga trais mais vegnan quellas dumandadas suenter lur plans.

Cun quai che las interpresas èn en il passà savens sa tegnidas vi da lur prognosas scriva il KOF, ch’il trend negativ vegn a durar ils proxims mais.

RR novitads 10:00

Artitgels legids il pli savens