Exteriur - Kim Jong Un è pront per discurs averts cun il vischin
Il president da la Corea dal Nord, Kim Jong Un è s'exprimì per discurs averts cun la Corea dal Sid. Quai dentant sulet sut la cundiziun ch'il pajais prenda distanza d'acziuns che disturban l'atmosfera concilianta.
Il pled da Kim è vegnì emess da la televisiun statala da la Corea dal Nord, rapporta l'agentura da novitads Yonhap. Vinavant ha Kim Jong Un ditg, ch'el saja pront per discurs cun scadin che veglia la pasch e la reuniun. Mez december han discurs da detensiun tranter ils dus stadis coreans fatg naufragi.
