Karl Moik è mort

L’inventader e moderatur dal “Musikantenstadl” Karl Moik è mort en la vegliadetgna da 76 onns, quai ha confermà in pledader da l’agentura dal radio ORF. Moik saja mort en l’ospital a Salzburg.

Karl Moik è stà l'inventader dal "Musikantenstadl".

Legenda da maletgs: Karl Moik è stà l'inventader dal "Musikantenstadl". Keystone

Gia il 2014 aveva Karl Moik giu in’attatga dal cor ed era silsuenter stà pli ditg en il center da rehabiliaziun Grossgmain a Salzburg.

Il star da televisiun e da la musica populara ha moderà dal 1981 enfin il 2005 il “Musikantenstadl”. Ils ultims 10 onns era el sa retratg in zic da la tribuna da show.

RR novitads 15:00