Siglir tar il cuntegn

Header

cuntegn

Exteriur Karel Gott è mort

Il star da schlagher da la Tschechia, Karel Gott, è mort en la vegliadetgna dad 80 onns. Sco quai che l'agentura da novitads tscheca CTK rapporta sa referind sin sia pledadra, è Karel Gott mort il mardi saira curt avant mesanotg. El aveva leuchemia.

Il chantadur che vegniva er numnà «la vusch dad aur da Prag» ubain «Sinatra da l'ost» è surtut vegnì enconuschent cun la chanzun tar la seria da dissegns animads «Biene Maja». Durant sia carriera musicala ha Gott interpretà chanzuns da rock'n'roll, jazz, blues e country. Karel Gott ha però er chantà operas ed operettas. Tut en tut ha el registrà 150 albums e vendì passa 50 milliuns porta-tuns.

Ord l'archiv da SRF:

audio
Ein Lichtstrahl vereint zwei Welten
ord Audio MW dals 29.08.2018. Maletg: zvg
laschar ir. Durada: 4 minutas 26 Secundas.

RR novitads 11:00

Artitgels legids il pli savens