Siglir tar il cuntegn

Header

cuntegn

Exteriur Juncker vul armada europeica

En vista a las tensiuns cun la Russia ha il president da la cumissiun da l'Uniun europeica Jean-Claude Juncker pretendì in'armada cuminaivla en l’Europa. Uschia pudessi l'UE intermediar.

Cun in’armada cuminaivla pudessan ins intervegnir a moda credibla sche la pasch è periclitada en in dals stadis commembers ha Juncker ditg a la gasetta "Welt am Sonntag".

Ins na para betg da prender serius nossa politica exteriura.
Autur: Jean-Claude Juncker President da la cumissiun da l'UE

In'armada da l'UE dess dar d'entellir a la Russia ch'ins manegi serius cun la defensiun da l'Uniun europeica. Ella purtass er avantatgs finanzials, ha Juncker cumplettà. In armada europeica na duai betg concurrenzar la Nato.

RR novitads 9:00

Artitgels legids il pli savens