Siglir tar il cuntegn

Exteriur Juncker pretenda repartiziun dad ulteriurs fugitivs

Il president da la cumissiun da l'UE Jean-Claude Juncker ha confermà ils plans da reparter ulteriurs 120’000 fugitivs da l'Italia, la Grezia e l'Ungaria sin auters stadis.

Jean-Claude Juncker discurra avant il parlament da l'UE.
Legenda: Jean-Claude Juncker ha preschentà il pachet da mesiras cunter la crisa da fugitivs. Keystone

Ils fugitivs duajan vegnir repartids tenor quotas liantas sin tut ils 28 stadis commembers da l'Uniun europeica, uschia Juncker avant il parlament da l’UE. Plinavant vegnia la cumissiun ad instradar ulteriuras proceduras penalas cunter stadis commembers che na respectian betg las reglas d'asil cuminaivlas.

RR novitads 12:00