Siglir tar il cuntegn

Header

Navigaziun

cuntegn

Exteriur Jumbo-Jet crudà sin vitg en Kirgistan

En il Kirgistan è in aviun crudà sin in vitg. Almain 32 persunas sajan mortas, han communitgà las autoritads kirghisas. I sa tractia d’in aviun da vitgira da la societad aviatica «Turkish Airlines ch’era sin via da Hongkong ad Istanbul.

  • In aviun da vitgira tirc dal tip Boeing 747-400 è crudà en il Kirgistan.
  • Almain 32 persunas èn mortas da la crudada en la vischinanza da l’eroport da Bischkek.

Las bleras unfrendas sajan abitants d’in vitg, sur il qual la Boeing 747 è sa disgraziada, sco las autoritads han communitgà.

L’aviun era tenor la societad aviatica en viadi da Hongkong ad Istanbul e vuleva sa tschentar sin l’eroport Manas en la vischinanza da la chapitala Bischkek. En la brentina spessa è l’aviun crudà sin in vitg vischinant ed ha destruì 15 bajaetgs.

RR novitads 06:00