Siglir tar il cuntegn
cuntegn

Exteriur Joy Fleming è morta

La chantadura da soul tudestga è morta la mesemna saira cun 72 onns, quai han confermà ses fegl ed il manager.

Purtret da Joy Fleming.
Legenda: Joy Fleming è morta la mesemna cun 72 onns en ses dachasa. Keystone

L'onn 1975 è Fleming sa participada per la Germania a l'Eurovision Song contest cun la chanzun «Ein Lied kann eine Brücke sein». Quest titel ha fatg enconuschenta ella.

Passa 40 onns ha la chantadura e mamma da trais uffants vivì a Sinsheim, datiers da Mannheim, cun ses partenari franzos. Il 1970 aveva ella gì success cun ina chanzun da dialect da Mannheim, «Neckarbrückenblues».

Enfin l'ultim saja Fleming stada fitg activa. Ella haja fatg turneas internaziunalas, prendì si plattas ed haja lavurà mintga di vi da novas cumposiziuns en il studio, uschia ses partenari. Joy Fleming saja regularmain stada en televisiun ed haja lavurà cun l'academia da pop da Mannheim ed era dà lecziuns da chant.

RR novitads 16:00