Siglir tar il cuntegn
cuntegn

Exteriur John Kasich sa retira da cumbat per presidi american

Las pre-elecziuns per il presidi dals Stadis Unids n’ha betg pli blers candidats. Er l’ultim rival da Donald Trump vegn a terminar ses cumbat electoral. Il guvernatur d’Ohio John Kasich vegn para bainbaud ad annunziar la fin dal cumbat, rapportan pliras medias americanas.

Il guvernatur d'Ohio John Kasich.
Legenda: I n'ha betg duì esser per il guvernatur d'Ohio John Kasich. Keystone

Ils rapports medials sa refereschan sin collavuraturs da Kasich. Kasich è actualmain sin il terz plaz da las pre-elecziuns dals republicans. Il segundplazzà Ted Cruz aveva retratg sia candidatura il mardi.

Uschia vegn Donald Trump cun gronda probabladad nominà sco candidat republican per il cumbat electoral per il presidi american. Quai succeda al di da partida questa stad.

RR novitads 20:00