Il Brasilian João Havelange aveva 100 onns ed era vegnì en l'ospital pervi da malcostas/puntga.
Havelange è stà president da la FIFA dal 1974 fin il 1998. Lura aveva el surdà ses uffizi al Vallesan Sepp Blatter. Silsuenter è Havelange stà president d'onur da la FIFA. Quai fin il 2013. En il rom dal scandal da corrupziun tar la FIFA aveva Havelange remess ses uffizi d'onur.
Persunalitad dispittaivla
João Havelange n'è betg stà l'ami da tuts. D'ina vart è la Federaziun internaziunala da ballape (FIFA) creschida sut el ad in concern mundial cun svieuta da pliras milliardas francs. Da l'autra vart deva quai adina la supposiziun e currellas davart corrupziun enturn sia persuna. Tranter auter tar il bancrut da la firma da marketing da sport ISL. La ISL haja pajà passa 100 milliuns dollars a funcziunaris da la FIFA per survegnir ils dretgs da televisiun per gieus lucrativs.
RR novitads 15:00