Siglir tar il cuntegn
Inhalt

Exteriur “Jihadi John” è vegnì identifitgà

L'identitad da l'um che vegnì enconuschent sco "Jihadi John" è discuvrida. L'um che duai avair stgavazzà plirs ostagis dal vest ha num Mohammed Emwasi, è naschì a Kuwait e creschì si a Londra. Quai rapportan la "Washington Post", la BBC e la gasetta "The Guardian".

purtret dal dschihadist "Jihadi John"
Legenda: “Jihadi John” ha num Mohammed Emwasi, è naschì a Kuwait e creschì si a Londra. Keystone

La polizia da Londra n'ha betg confermà las indicaziuns cun renviar sin inquisiziuns currentas. Il ministeri da l'intern n'ha per entant betg vulì prender posiziun. Al center internaziunal per studis da radicalisaziuns paran ils rapports da las gasettas vardaivels.

RR novitads 17:00