Siglir tar il cuntegn
Inhalt

Exteriur Jerusalem: Radunanza plenara da l’ONU cunter decisiun da Trump

Tenor ina decisiun da la radunanza plenara da l'ONU, duai la regenza americana retrair la renconuschientscha da Jerusalem sco chapitala da l'Israel. A New York ha ina maioritad approvà la gievgia ina tala resoluziun betg lianta.

Ina sala da radunanza cun blera glieud vi da pults
Legenda: La sala da la radunanza plenara da l’ONU durant la votaziun davart Jerusalem. Keystone

Il pli impurtant en curt:

  • La regenza americana duai retrair la renconuschientscha da Jerusalem sco chapitala da l'Israel.
  • 128 dals 193 pajais en la radunanza plenara han approvà il document da duas paginas.
  • Nov pajais, uschia era ils Stadis Unids e l'Israel, han vuschà cunter. 35 pajais èn s'abstenids da lur vusch.

Il president american Donald Trump aveva smanatschà als stadis che sustegnian la resoluziun, da stritgar l'agid finanzial. La resoluziun cunter la resoluziun da Trump ha mo in effect simbolic, ed ella na menziunescha era betg direct la decisiun da Trump.

En in'emprima reacziun refusa il schef da regenza israeliana Benjamin Netanjahu la resoluziun da l'ONU sco grotesca. Ils Palestinais da lur vart beneventan la resoluziun. Quella decisiun mussia che la cuminanza internaziunala sustegnia ils dretgs dals Palestinais.

RR novitads 20:00