Siglir tar il cuntegn
Inhalt

Exteriur Jerusalem da l'Ost - la chapitala dal stadi palestinais

Tar in inscunter extraordinari dals stadis islamics ad Istanbul han ils stadis renconuschì il Jerusalem da l’Ost sco chapitala d’in stadi palestinais.

bandiera da Jerusalem.
Legenda: La conferenza dals stadis islamics ha acceptà Jerusalem da l'Ost sco chapitala. Keystone

Ina reacziun sin la decisiun dals Stadis Unids ch'han da l'autra vart renconuschì Jerusalem sco chapitala dad Israel. La cuminanza internaziunala aveva crititgà questa decisiun unilaterala da Trump. Il status da Jerusalem possia be vegnir reglà en discurs tranter l'Israel ed ils Palestinais.

Abbas: Ils Stadis Unids han pers la rolla d'intermediatur

Il president dals Palestinais Mahmud Abbas ha ditg il glindesdi ad Instanbul ch'ins na accepteschia betg pli ils Stadis Unids sco intermediatur en il Proxim orient. Abbas ha appellà l'ONU da surpigliar la responsabladad cumpletta per ina schliaziun en il conflict palestinais. Tenor Abbas haja Trump «dà Jerusalem ad Israel sco regal, sco sch'el avess purschì ina citad en ils Stadis Unids».

Jerusalem è e resta la chapitala dal stadi palestinais.
Autur: Mahmud AbbasPresident dals Palestinais

RR novitads 16:00

Jerusalem

L'Israel aveva il 1967 conquistà Jerusalem da l'Ost ed occupescha l'entir Jerusalem sco chapitala. Quai na vegn internaziunal betg renconuschì.