Siglir tar il cuntegn

Exteriur «Jau hai vesì alpinists che na dastgassan gnanc esser là»

L’alpinist e guid da muntogna Geni Ballat da Parsonz è stà trais giadas en il Nepal. Là ha el vis alpinists che n’avessan mai dastgà esser là.

Alpinists sin via sin in dals culms en il Himalaya.
Legenda: Alpinists da la Corea dal Sid en la regiun dal Himalaya. Keystone

Remartgabel saja il turissem da massa en la regiun dal Himalaya ed il fatg che Nepal dat lubientschas a moda simpla ad alpinists senza gronda experientscha.

En ses ultim viadi da l'onn passà han Geni Ballat e sia gruppa dumagnà la muntogna da 6346 meter sur mar, il Saribung Peak.

Curtaschaivladad e chaos

Al guid da muntogna han fatg impressiun durant ses viadis tranter auter ils indigens curtaschaivels che vivan en ina moda simpla, era perquai che els na enconuschan probabel betg auter, ed il chaos che regia en la citad principala dal Nepal Kathmandu.