Siglir tar il cuntegn
Inhalt

Exteriur «Jau dovr dapli temp da reger»

Il primminister grec Alexis Tsipras ha animà la populaziun greca da reeleger el tar las elecziuns novas. Uschia possia el cuntinuar cun sia politica, ha ditg Tsipras en ina intervista.

Alexis Tsipras.
Legenda: Alexis Tsipras fa reclama per ina reelecziun. Reuters

Las partidas etablidas grecas hajan regi ils ultims 40 onns, el sez sulet 7 mais. El basegnia dapli temp, per reger, uschia Tsipras. Fin uss sajan las contractivas cun ils crediturs internaziunals stadas en il center.

Uss è arrivà il temp d’agir aifer il pajais
Autur: Alexis Tsiprasprimminister grec

Entant saja però arrivà il temp d’agir aifer il pajais. El veglia puspè metter sin curs da creschientscha il pajais. Al pievel grec ha el appellà da betg adina tschertgar la culpa a l’exteriur.

Il president dal stadi grec Prokopis Pavopolos vegn oz probablamain a proclamar uffizialmain elecziuns anticipadas e nominar ina regenza transitorica. Sco termin probabel per las elecziuns novas vala ils 20 da settember.

RR novitads 06:00