Siglir tar il cuntegn

Exteriur IWF survegn enavos ils daners da la Grezia

La Grezia ha pajà enavos punctualmain l'emprima transcha dal credit al Fond monetar internaziunal IWF, quai ha confermà la scheffa da l'IWF, Christine Lagarde.

La Grezia sto preschentar ina vasta glista da refurmas per survegnir agid finanzial da 7,2 milliardas euros.
Legenda: La Grezia sto preschentar ina vasta glista da refurmas per survegnir agid finanzial da 7,2 milliardas euros. Keystone

Da quants daners ch’i sa tractia, na ha Lagarde dentant betg tradì. Tenor indicaziuns da la regenza ad Athen sajan quai 450 milliuns euros. Per entant ha il pajais pia evità in concurs statal. Anc avert è però quant ditg ch'ils daners tanschan anc ad Athen.

Ils crediturs internaziunals, la Banca centrala europeica, la Cumissiun da l'UE e l'IWF pretendan ina vasta glista da refurmas avant ch'els dattan puspè daners.

RR novitads 20:00