Siglir tar il cuntegn
cuntegn

Exteriur Italia tschertga in cumprader per l'Alitalia

Interessents possian ussa inoltrar lur offertas per la societad aviatica. Quai ha communitgà la regenza taliana.

Aviun.
Legenda: La regenza taliana vul vender la societad aviatica. Keystone

Pussaivel saja da cumprar l’entira societad aviatica u be parts da quella. L'interess a la branscha da sgol para dentant dad esser pitschen. Pliras societads aviaticas grondas han gia dà d’entellir da betg avair interess.

L'Alitalia stat avant il concurs. Quai suenter ch'ils emploiads avevan refusà in plan da salvament e damain paja. La societad aviatica fa actualmain ina perdita da radund 1 milliun euros per di. Alitalia occupescha radund 12milli lavurers. Ella scriva dapi 20 onns cifras cotschnas.

RR novitads 06:00