En l'Italia daventa il scumond da fimar pli sever. Da nov èsi er scumandà da fimar en l'auto, sche uffants u dunnas en speranza sesan en il vehichel. Quai ha decis il cabinet a Roma.
Plinavant èsi en l'avegnir er scumandà da fimar avant ospitals. Sin ils pachets da cigarettas sto vegnir stampà in text che starmenta ed in maletg che cuvra almain 65% da la surfatscha.
Ultra da quai vegnan augmentads ils chastis per la vendita da rauba da tubac a minorens.
