Siglir tar il cuntegn

Header

cuntegn

Exteriur Italia: program da regenza è pront

Il contract da regenza en l'Italia tranter il moviment politic da la dretga Tschintg Stailas e da la Lega è pront. Tschintg Stailas haja publitgà il contract per ina «regenza en transfurmaziun» sin lur pagina d'internet, scrivan las agenturas da novitads.

Las partidas hajan finalmain contractà a la fin il program da regenza. Sco il schef dal moviment politic Tschintg Stailas scriva sin sia pagina da Facebook haja il program per finamira da realisar bleras empermischuns electoralas da sia partida.

Nagina extrada da la zona d'euro

En il program da regenza s'engascha tant la Lega sco er Tschintg Stailas per ina politica da l'exteriur che sa concentrescha sin ils interess naziunals. Che l'Italia appartegna a la Nato duai vegnir affirmà. Il medem mument veglian ins er esser pli averts envers la Russia. Quest pajais saja in pli e pli impurtant partenadi economic. Pretensiuns sco da sortir da la zona dal euro na datti betg en quest program. Ins veglia dentant discutar da nov ils contracts cun l'Uniun europeica. Quai cunzunt pervia dals debits dal stadi.

RR novitads 12:00

Artitgels legids il pli savens