En l'Italia ha era la segunda chombra parlamentara dà la confidenza al nov primminister Mario Draghi. 535 parlamentarias e parlamentaris da la chombra dals deputads han votà per la regenza da Draghi, 56 cunter. Avant ha gia il senat dà la confidenza uschia che l'anteriur president da la banca centrala europeica po uss cumenzar cun la lavur.
Draghi ha declerà che ses focus giaschia sin la pandemia da corona. El veglia realisar ina campagna da vaccinar pli sperta. Plinavant planisescha el refurmas en l'economia ed en l'administraziun. Il focus saja dentant er sin la repartiziun dals radund 209 milliardas euros ord il fond da reconstrucziun da l'Uniun Europeica.
audio
Per tadlar: las novitads da las 06:00
ord RTR Audio dals 19.02.2021.
laschar ir. Durada: 5 minutas 34 Secundas.