Siglir tar il cuntegn

Exteriur Italia: En il sid brischan plirs guauds

Incendis gronds dettia sin la Sicilia, en la Calabria e datiers da la citad da Pescara. Quai rapportan meds da massa.

Aviun che stizza il fieu (maletg d'archiv).
Legenda: Aviun che stizza il fieu (maletg d'archiv). Keystone

Il sid da l'Italia na cumbatta betg be cunter grondas chaliras mabain era cunter plirs brischaments da guaud. Sin la Sicilia en la regiun Messina e Palermo s'extendan ils brischaments. Era en la regiuna da la Calabria brischan plirs guauds. Sin la Sicilia hai il mument temperaturas da fin a 40 grads.

Dapi venderdi saira cumbattan ils pumpiers las flommas. Il vent chaud scirocco envida adina puspè ellas. En la regiun da Messina sin la Sicilia han las autoritads stuì evacuar ina chasa d'attempads e tozzels d'ulteriuras chasas. Pliras vatgas èn morts en las flommas. In vent chaud envidia adina puspè ils fieus.

  • A Palermo è in guaud da pinias en flommas. Aviuns gidan da stizzar il fieu.
  • En la regiun da la Calabria han ins annunzià plirs fieus. Trais famiglias han stuì bandunar lur abitaziuns pervia dal fieu.

RR novitads 11:00