Siglir tar il cuntegn

Exteriur Italia blochescha la missiun marina «Sophia»

Ils ministers da l’exteriur da l’UE n’han betg pudì concluder in ulteriur mandat per l’operaziun marina «Sophia» avant la costa da la Libia.

Fugitivs en ina bartga da salvament sin la mar mediterrana.
Legenda: Fugitivs en ina bartga da salvament en la Mar Mediterrana. Keystone

Ord tschertgels diplomatics hai gì num ch'ins na possia betg sclauder che l'Italia veglia, cun bloccar quest mandat, sfurzar ulteriurs pajais da l'UE da prender si migrants e fugitivs. Il minister da l’exteriur da l'Italia Angelino Alfano ha dentant dementì che la bloccada saja ina reacziun sin la mancanza da sustegn dals auters stadis da l’UE en connex cun la crisa da fugitivs.

Salvament da fugitivs avant la costa da la Libia

La missiun marina «Sophia» agescha dapi dus onns cunter cuntrabandists da glieud. Ils bastiments da l'UE pon franar bartgas dubiusas. Latiers spendran els persunas ord privel da mar.

Il mandat da «Sophia» scada ils 27 da fanadur. Enfin lura ha il minister da l’exteriur da l’Italia empermess da discutar ina prolungaziun da la missiun. Planisà era che la missiun cuzzia enfin la fin da l’onn 2018.

RR novitads 20:00