ll secretari general da las Naziuns Unidas Antonio Guterres aveva pretendì ch'ins examineschia a moda independenta ils sajets mortals sin Palestinais tar ils protests en la Strivla da Gaza. Il minister da defensiun da l'Israel Avigdor Lieberman refusa questa pretensiun. «Ils schuldads israelians han fatg quai che saja stà necessari» ha Liebermann ditg sur l'emettur da l'armada. Tut dad els hajan merità renconuschientscha.
L'armada israeliana aveva il venderdi sajettà giu 15 Palestinais che protestavan. Tenor indicaziuns da l'armada hajan intgins demonstrants bittà cun crappa e pneus che brischan sin ils schuldads israelians.
Demonstraziuns en l'Israel
Avrir la boxSerrar la box
Ils Palestinais pretendan che fugitivs palestinais hajan il dretg da turnar en lur territori. Cun la fundaziun da l'Israel il 1948 avevan radund 700'000 persunas stuì bandunar lur territori. L'Israel refusa il return.