Siglir tar il cuntegn
Inhalt

Exteriur Islanda na chatta nagin ruaus

Quai pervi dals Panama Papers. Suenter ch'il primminister ha stuì sa retrair, è er il president dal pajais sut squitsch.

Il president islandais Olafur Ragnar Grimsson
Legenda: Suenter il primminister sto er il president islandais Olafur Ragnar Grimsson sa declerar en connex cun ils Panama Papers. Keystone

En l'Islanda s'extenda l'affera enturn ils uschenumnads «Panama Papers». Suenter ch'il primminister ha stuì sa retrair, il link avra en ina nova fanestra è entant er il president Olafur Ragnar Grimsson confruntà cun dumondas malempernaivlas.

La pagina d'internet «Reykyavik Media» ha scuvert che la famiglia da sia dunna saja stada involvida en ina firma d'offshore ch'è vegnida endrizzada dal biro d'advocats Mossack Fonseca.

Grimsson ha laschà declerà ch'el e sia dunna n'hajan savì nagut da quai.

Pir il venderdi aveva il president anc ditg che ni el ni sia dunna u famiglia n'hajan da far insatge cun ils «Panama Papers».

RR novitads 06:00