Las duas unfrendas mortalas èn duas dunnas da 17 respectiv 20 onns, uschia la polizia. Las dunnas eran vegnidas attatgadas la dumengia en damaun d’in um cun in cuntè en la staziun principala St.Charles da Marseille.
L’attatgader era alura vegni sajettà giu da schuldada d’ina truppa d’anti terror.
La procura publica da Paris investighescha
Il malfatg possia avair ragischs terroristicas, quai na possia dentant betg vegnir confermà – ha ditg il minister da l’intern Gérard Collomb. Il cas vegn uss investigà da la procura publica a Paris. Ella è incumbensada cun las investigaziuns da mintga cas da terror en Frantscha.
L’IS pretenda via ses organ da propaganda en la rait, ch’il attatgader saja in «schuldà» dad els.
RR novitads 07:00