En il video èsi da vesair co ch'ils dschihadists rollan bumbas en ina chombra cun statuas da divinitads assirianas. Silsuenter mussa la camera ina vehementa explosiun. Ils commembers dal Stadi islamic han plinavant sa laschà filmar co ch'els destrueschan plattas da crap anticas cun matels.
Davart la destrucziun da Nimrud era vegnì rapportà l'entschatta mars, la dimensiun da quella n'era però anc betg enconuschenta.
RR novitads 12:00