Siglir tar il cuntegn
cuntegn

Exteriur «Irma» ha custà la vita a 4 persunas a Florida

Pervi dal hurican «Irma» èn a Florida passa 6 milliuns chasadas senza forza electrica. Las autoritads quintan ch'intginas regiuns ston anc desister durant pliras emnas sin electricitad. Dal stemprà è pertutgà l'entir stadi.

Ina chasa a la riva è cupitgada pervi dal stemprà d'ina spunda giuador.
Legenda: Er questa chasa n'ha betg pudì resister al hurican Irma. Keystone

En la Florida vegnan ils donns in pau a la giada a la glisch. En blers lieus ha il hurican stgarpà davent tetgs da chasas e derschì lingias d'electricitad. Ils experts quintan cun donns fin 40 milliardas dollars. Fin ussa èn vegnids annunziads ord Florida 4 morts. Las autoritads da Cuba han annunzià almain 10 morts. Tenor estimaziuns èn almain 43 persunas mortas en la Caribica ed ils Stadis Unids pervi dad Irma.

RR novitads 23:00 +