Siglir tar il cuntegn

Exteriur Irlanda abolescha scumond d'abort

L'Irlanda celebrescha ina "revoluziun quieta". Ina gronda maioritad da la populaziun ha votà da liberalisar la lescha d'abort. Tenor il resultat uffizial definitiv han 66,4% da la populaziun votà per abolir il scumond d'abort. La participaziun a la votaziun è sin 64%.

massa glieud sa legra da lur victoria en ina votaziun
Legenda: En spezial las dunnas e la giuventetgna han votà grondamain per la nova lescha. Keystone

Tranter auter preveda la nova lescha da pudair stgatschar in pop senza chasti fin la 12avla emna da gravidanza. Tar tscherts indizis pudess in abort esser lubì fin la 24avla emna.

Gia avant la decisiun definitiva ha il primminister Leo Varadkar ditg en la televisiun che quai saja il resultat d'ina revoluziun quieta dals ultims decennis. La nova lescha munta en il pajais era ina tscherta emanzipaziun da la populaziun envers la baselgia catolica. - Fin ussa aveva l'Irlanda ina lescha d'abort che valeva sco ina da las pli severas en l'Europa.

RR novitads 20:00